Kvíði

Þrátt fyrir að allur vafinn á góðmennskunni er minn, þá er ég samt dauðanum kvíðinn.  Sumt sem við lendum í lífinu er aðeins sett þar til að maður standist strauminn. Þrátt fyrir allan heimsins kvíða þá er ég að fyllast léttu lífi af eftirvæntingu. Allt mun enda vel.

 Orð dagsins er: Hjákátlegur

Nýyrðið: Blóðskita

Setning dagsins: Handsalaði sér réttinn til að eignast og gaf frá sér 

 Verið góð!!

Bobby hinn skákglaði allur er nú.........

Bobby hinn sérvitri Fischer er látinn. Ekki er ég mikið að skúbba hér fyrir fólki en mig langaði að vita hvaða ótrúlegu hálfvitar það voru sem vildu láta jarða hann á Þingvöllum og ekki nóg með það heldur við hliðina á Einari Ben og Jónasi Hallgríms. Ég bara spyr hvað verður næst? Mun rísa hér stytta af Q. Tarantino því hann hefur heimsótt klakann svo oft undanfarið? Fannst þetta allt frekar asnaleg hugdetta enda hefur Bobby ekki neina sérstaka þýðingu þegar kemur að Íslandi. Vissulega var viðureignin ´72 söguleg en setti okkur ekkert á kortið. Þegar allt kemur til alls var hann fyrir mér ekkert meira en ótrúlegur skákmaður sem hafði óbeit á gyðingum og fékk sérmeðferð þegar kom að því að fá ríkisborgararétt. En örugglega fínn kall inn við beinið!

 Orð dagsins er: Þeytivinda

Setning dagsins er: Það þrengir að mér anskotafullt hungur 

  

Ó hve fögur hún er, kossageitin mín......

Er ekki tilvalið að byrja mínar stundir hér á því að segja almúganum frá því að ég sé með smitandi(og jafnframt æsandi) sýkingu í augun sem nefnist kossageit. Alveg er ég viss um að kvikindið heiti eitthvað annað en þegar hratt er sagt frá hljómar þetta svona. Þetta hefur þau stjarnfræðilegu leiðindi að ég get ekki mætt til vinnu vegna sýkingarhættu og setur mig í þá stöðu að ég get ekki fagnað áramótunum ofurölvi í einhverju holræsinu.

 Annars hef ég glatt sjálfan mig og hneykslað með óhóflega miklu glápi á Omega síðustu daga og á ég varla orð yfir þessari stórskrítnu sjónvarpsstöð sem er í samstarfi við menn frá Ameríkunni og Afríkunni(ásamt einum og einum "fyrrverandi" glæpamönnum sem hafa frelsast) sem sjá sýnir af konum í pelsum og biðja þær um að "sá" peningum í starfssemina. Skammist yðar og rotnið í Helinu!!

 Læt þetta snjáð heitið og bið ykkur um að ljúf við hvort annað í myglunni. Ég ætla að fara huga að kossageitinni minni.

Orð dagsins er: Hálmstrá

Setning dagsins er: Þeir mergsjúga lopann sem ullina vantar.

  Í framtíðinni mun ég láta flakka hugleiðingar mínar er eiga sér samastað á öðru vefsvæði, en bara af því að mér er svo annt um þær.